Молитва Святителю Иннокентию, Епископу Пензенскому Чудотворцу

Боже Великий и Всесильный, Тебе на умоление предлагаем молитвы и предстательство угодника Твоего Святителя Иннокентия. Не дерзаем бо недостойными устами и помраченным сердцем воззрети на высоту небесную от множества грехов наших. Многими беззакониями и неправдами удалихомся от Тебе, Создателя и Спасителя нашего. Безверием омрачихом души наша, заблудихомся во мраке прегрешений наших, отпадохом от света Спасительныя благодати Твоея. Но надеяся на милость благоутробия Твоего нехотящего смерти грешнаго, но еже обратитеся и живу быти, смиренно просим Твою благостыню: умири сердца наша страстьми обуреваемая. Не презри молений Святителя Твоего и ходатая нашего.

Ей, святче Божий, моли Всемилостивого Спаса Христа за богоданную Тебе паству пензенскую, тако Тя возлюбившую. Отжени от земнаго отечества Твоего вся соблазны, раздоры, нестроения. Церковь пензенскую и град наш огради святыми Твоими молитвами от расколов, прельщения иноверием и от наветов злых человек. Всех же нас в единомыслии и любви друг ко другу соедини. Да едиными устами и единым сердцем поклоняющеся Живоначальной Троице, воспеваем всесвятое и единодержавное Имя Твое Отца, и Сына, и Святаго Духа во веки веков. Аминь.



Память Святителя Иннокентия Пензенского празднуется 23 (10) октября.



Первый пензенский святой

21.11.2003